Zer da Txapel?
Bertakoa, benetakoa
Ekintza txikiak, aldaketa handiak
Tradizioa eta modernitatea uztartuz
Zirkularra eta jasangarria
Ingurumena zainduz
Txapel, produktu ekologikoen marka izateaz gain, tokiko ekoizle txikien eta artisauen komunitate bat da, jasangarritasuna, benetakotasuna eta tokiko ekonomiaren alde lan egiten duena. Kalitatezko eta naturarekiko errespetuzkoak diren produktuak ere eskaintzen ditu.
Gure Filosofia
Txapelen nahia gizarte jasangarriago, justuago eta bertakoekin konektatuago bat sortzean datza. Benetako aldaketak sortzeko fokua ekoizle txikietan jarri behar dela uste dugu, artisau-lana baloratu eta ingurumenarekin harmonia bat bilatu behar dela alegia.
Gure helburua ingurunearekin eta elkarrekin dugun harremanaren transformazio sakon bat sustatzea da, benetakotasun, ardura eta komunitate balioak bultzatuz. Txapel ez da produktu ekologikoen eskaintzara mugatzen, etorkizun kontziente eta errespetuzko baten aldeko mugimendu bat bultzatzen du.
Nor zen Txapel?
Euxebio Eizmendi, “Txapel” izenarekin ezaguna, 1893. urtean jaio zen Errezilen, Antxiturbi-Goikoa baserrian. Baserri honek “Txapel” goitizena zeraman, eta bere egin zuen ezizena Euxebiok. Hala, eta hau pentsatzea normalena bada ere, bertsolaria ez zen txapela erabiltzeagatik deitzen “Txapel”, bere jaiotetxearen izengoitiagatik baizik.
Bertsolari ezaguna izan zen, Akilino Izagirre “Zepai” lagunarekin batera hainbat plazatan jardun zuelarik. Bere bertsoak zuzenak eta apalak ziren, eta gaiarekiko egokitasunez ematen zituen erantzunak, itzulinguruka ibili gabe. Haren bertsoak herriaren kulturaren parte bilakatu ziren, Txapel ez baitzen ezaguna bertsolari fina izate hutsagatik, bai eta euskal tradizio eta kulturaren defendatzaile sutsua izateagatik ere.
Hau dena eta gehiago da Txapel. Produktu bat baino gehiago ekoizteko modu bat, eta ekoizteko modu bat baino gehiago bizitzeko era bat.